- мина іздегіш
- (Миноискатель)
құрлықтағы, теңіздегі немесе өзендегі миналарды табуға арналған радиоэлектронды қондырғы. Тар мағынада мина іздегішті жергілікті жерде (топырақта, қарда) орнатылған металл бөлшекті миналарды табуға арналған тасымалды электрмагнитті құрал деп түсінуге болады. Мұндай М.і. жиналмалы штангіге орнатылған іздеу ергенегінен, электр тогын беретін батареядан, жалғастырғыш кабельдерден және басқа киетін құлақшасы бар телефоннан тұрады. М.і-тің жұмыс принципі мина орнатылған жерге ергенекті жақындатқанда шығатын дыбыс тонын өлшеуге арналады. М.і. қарсыластардың мина орнатылған жерлерінен өткелдер жасауда және жергілікті жерді минадан тазартуда қолданылады. Ол 30—50 см-ге дейінгі тереңдіктегі топыраққа көшілген, металдан жасалған танкіге қарсы миналарды таба алады. Қазіргі М.і-тердің көпшілігі бір ғана адамның жұмыс жасауына негізделеді.
Казахский толковый терминологический словарь по военному делу. — Мектеп.